Վրաստանի  Քսանիի համար 15  գաղութի բանտարկյալների մի քանի տասնյակ բարեկամներ  փորձել են գիշերը  ներխուժել  ուղղիչ հաստատություն:

Ինչպես հաղորդում է «Գրուզիա Online»-ը, նրանք հանդիպում են  պահանջել բանտարկյալների հետ եւ բողոքել են  շինություն մտցված հատուկ նշանակության ջոկատների դեմ: Գաղութի տարածք մտնելու փորձերի ժամանակ բախում է տեղի ունեցել պահակախմբի հետ, որի հետեւանքով  նրանցից մեկը ծեծի է ենթարկվել եւ հիվանդանոց է տեղափոխվել:

 Գիշերը ուղղիչ հաստատություն է ժամանել իրավապաշտպան Դմիտրի  Լորդկիպանիձեն, ով փորձել է  հանգստացնել հավաքվածներին, սակայն, չնայած դրան, բանտարկյալների բարեկամները գիշերել են գաղութի տարածքում:

Իրավապաշտպան Լորդկիպաձեն հայտնել է, որ   15 բանտարկյալ, որպես բողոքի նշան, կարել են բերանները: «Բանտարկյալների մի մասը վստահեցնում է, որ տեղական ադմինիստրացիան սպառնում է դաժան պատժով եւ  գողութի տարածք հատուկ նշանակության ջոկատների մտցմամբ: Միեւնույն ժամանակ  գաղութի աշխատակիցները դեռեւս ոչ մի անօրինական  գործողություններ չեն իրականացրել բանտարկյալների նկատմամաբ»,- իրավապաշտպանին մեջբերում է «Նովոստի Գրուզիան»:

Լորդկիպանիձեն նաեւ հայտնել է, որ բանտարկյալներից ոմանք զանգահարում են բարեկամներին  եւ պանաջում են, որպեսզի նրանք  ջուրջօրյա հսկողություն սահմանեն  գաղութի պատերի տակ, հակառակ դեպքում, իբր նրանց դաժան պատիժ է սպառնում:

Պատժամիջոցների կիրառման հարցերով նախարար Սոզար Սուբարին հայտնել է, որ ներկայումս գաղութում  իրավիճակը հանգիստ է, իսկ իրավիճակը սրում են միայն այն մարդիկ, ովքեր հավաքվել են հաստատության տարածքում: Ինչպես կարծում է նախարարը, այս գաղութի շուրջ ստեղծված հուզումները կարող են սադրանքային լինել:Սցուբարին նաեւ նշել է, որ հատուկ նշանակության ջոկատներ գաղութի տարածք չեն մտցվել:

Անցյալ շաբաթ բողոքի ակցիա են իրականացրել նաեւ  Ռուսթավյան բանտի բանտակյալները, որի շինության շուրջ հավաքվել էին  բանտարկյալների բարեկամները եւ մոտիկները: Ռուսթավիում բողոքի ակցիաները հանգեցրել են բանտային  ադմինիստրացիայի  փոփոխության: