նախընտրելի դարձնել
Ամերիկյան Պիթսբուրգ քաղաքի կենդանաբանական այգում վայրի շների հոշոտման պատճառով երեխա է մահացել:
Ինչպես հայտնում են տեղական լրատվամիջոցները, միջադեպը տեղի է ունեցել 2012 թ-ի նոյեմբերի 4-ին: Մայրը բարձրացրել է երեքամյա երեխային ձեռքերի վրա, որպեսզի վերջինս կարողանա ավելի լավ տեսնել շների վանդակը, սակայն չի կարողացել պահել նրան: Երեխան ընկել է վանդակը, որտեղ 11 շուն է եղել:
Կենդանաբանական այգու աշխատակիցներին հաջողվել է հեռացնել շներից մի քանիսին, սակայն նրանց մեծ մասը ագրեսիվ են տրամադրված եղել, նրանք երեխայից հեռացել են միայն այն բանից հետո, երբ ժամանած ոստիկանները գնդակահարել են նրանցից մեկին: Երեխան հիվանդանոց է տեղափոխվել, սակայն մեծ քանակությամբ արյուն կորցնելու հետեւանքով մահացել է, հաղորդում է «Ուտրո.ru»-ն:
Ներկայումս Պիթսբուրգի կենդանաբանական այգին փակ է այցելուների համար:Երեխայի մայրը, ում անունը չի բացահայտվում, ոստիկանությունում է գտնվում: Չհաստատված տվյալներով նրա նկատմամբ հանցագործ անփութության մեղադրանք է առաջադրվել:
