նախընտրելի դարձնելԱդրբեջանական բանակում հերթական միջադեպն է գրանցվել, այս անգամ վթարի են ենթարկվել սպան եւ ենթասպան: Ինչպես ոստիկանությունից հայտնել են ադրբեջանական ԱՊԱ գործակալությանը, միջադեպը տեղի է ունեցել Աբշերոնյան շրջանի Խոկմելի գյուղի տարածքում:
Վթարի են ենթարկվել Ադրբեջանի Պաշտպանության նախարարության զորամասերից մեկի զինծառայողներ սպա Էլնուր Ալիեւը եւ ենթասպա Սալամ Աբդուլաեւը: Երկու զինծառայողները հոսպիտալացվել են: Փաստի առթիվ հետաքննություն է իրականացվում:
Նշենք, որ նման միջադեպերը ադրբեջանական բանակում մշտատեւ բնույթ են կրում:Բացի այդ, փոքր իսկ հնարավորության դեպքում, եթե միջադեպը տեղի է ունենում սահմանային գոտում, նման կորուստները «վերագրվում են» «հայերի գործողություններին»:
