նախընտրելի դարձնելՀայաստանի գլխավոր հարկադիր կատարող, արդարադատության գեներալ-մայոր Միհրան Պողոսյանի հրամաններով ՀՀ ԱՆ դատական ակտերի հարկադիր կատարման ծառայությունում տեղի են ունեցել մի շարք կադրային փոփոխություններ:
ԴԱՀԿ մամուլի ծառայությունից հայտնում են, թե մասնավորապես, Երեւան քաղաքի Կենտրոն եւ Նորք-Մարաշ բաժնի պետ, արդարադատության գնդապետ Դավիթ Բեգինյանը նշանակվել է ՀՀ գլխավոր հարկադիր կատարողի օգնականի պաշտոնում:
ԴԱՀԿ ծառայության ղեկավարի այլ հրամաններով Երեւան քաղաքի Շենգավիթ բաժնի պետ, արդարադատության փոխգնդապետ Արթուր Հակոբյանը փոխադրման կարգով նշանակվել է Երեւան քաղաքի Կենտրոն եւ Նորք-Մարաշ բաժնի պետ, վերջինիս պաշտոնում ժամանակավոր պաշտոնակատար է նշանակվել է Երեւան քաղաքի պետական եկամուտների կոմիտեի հայցերով բռնագանձումների բաժնի պետի տեղակալ, արդարադատության կապիտան Ալեքսանդր Մուշեղյանը:
Միհրան Պողոսյանի մեկ այլ հրամանով աճուրդի կազմակերպման եւ գույքի իրացման բաժնի պետ, արդարադատության գնդապետ Ենոք Անդրեասյանն ազատվել է աշխատանքից՝ իր զեկուցագրի համաձայն: Վերջինիս պարտականությունների կատարումը ժամանակավորապես դրվել է ՀՀ գլխավոր հարկադիր կատարողի օգնական, արդարադատության կապիտան Աշոտ Տեր-Գրիգորյանի վրա:
