նախընտրելի դարձնել
Արեւմտյան Վրաստանի Georgian Manganese ընկերության հանքագործներն ու բանվորներները նոյեմբերի 6-ին դադարեցրել են գործադուլը:
«Մաեստրո» հեռուստաընկերության տվյալներով, դադարեցնելու որոշումը կայացվել է վարչապետ Բիձինա Իվանիշվիլիի՝ նրանց ուղղված ուղերձից հետո, որի մասին նրանց տեղեկացրել է պատգամավոր, խորհրդարանական մեծամասնության ներկայացուցիչ Գիյա Ժորժոլիանին: Իվանիշվիլին վստահեցրել է, որ կառավարությունը խորհրդակցություններ է անցկացնում Georgian Manganese ընկերության հետ, եւ հանքագործների ու բանվորներների պահանջները կկատարվեն երկու ամսվա ընթացքում:
Հիշեցնենք, որ Georgian Manganese ընկերության հանքագործների գործադուլն սկսվել էր հոկտեմբերի 14-ից: Մի քանի օր անց նրանց էին միացել ընկերության մնացած աշխատակիցները: Աշխատողները պահանջում էին աշխատավարձի 100% բարձրացում, աշխատանքային պայմանների բարելավում, հանքերի տեխնիկական համալրում եւ անվտանգության նորմերի մեծացում:
Նոյեմբերի 1-ին գործադուլավորների նախաձեռնող խումբը կառավարության ընդունարան Իվանիշվիլիին հասցեագրված նամակ էր տարել, որում նկարագրվել էին աշխատանքի ծանր պայմանները, եւ վարչապետի հետ հանդիպման պահանջ էր դրվել:
Ըստ լրատվամիջոցների` գործադուլին մասնակցել են 3700 հանքագործներ եւ բանվորներ: Ներկայումս նրանց աշխատավարձը 200-750 լարի է (120-450 դոլար):
