Դեմոկրատ նախագահ Բարաք Օբաման  այսօր, համենայնդեպս, մեկ հաղթանակ արդեն տարել է, նշում է BBC-ն: Ընտրությունների արդյունքին սպասելով` Օբաման բասկետբոլ է խաղացել ընկերների եւ նախընտրական շտաբի աշխատակիցների հետ` 20 միավորով առաջ անցնելով  հաշվում:

Ի տարբերություն Օբամայի` Ռոմնին նախընտրել է սպասումը այլ կերպ կազմակերպել:  Հանրապետական կուսակցության թեկնածու Միթ Ռոմնիի աշխատակիցներից մեկը հայտնել է, որ մոտակա 4 ժամերը Ռոմնին նախատեսում է անցկացնել հյուրանոցի իր համարում, որտեղ էլ նա կհետեւի ընտրությունների արդյունքներին: Միեւնույն ժամանակ  Օբամայի շտաբից հայտնել են, որ  արդեն սկսել են տեղադրել նախագահի բեմը, քանի որ ամեն դեպքում` կհաղթի ընտրություններում Օբաման, թե ոչ, նա պետք է ելույթ ունենա ժողովրդի առաջ:

Հիշեցնենք, որ ավելի վաղ NEWS.am գործակալությունը հայտնել էր, որ էքզիթ-փուլի տվյալներով  Օբաման հաղթել է Նյու  Հեմպշիրում, իսկ Ռոմնին` Քենտուկիում եւ Ինդիանայում: Հենց նոր ավարտվել են  եւս 5 նահանգների` Վերմոնտի, Վիրջինիայի, Հարավային Կարոլինայի, Ջորջիայի եւ Ֆլորիդայի  ընտրությունները: