նախընտրելի դարձնել
Թնդեցված գինու շուկայում Հայաստանը զիջել է դիրքերը: Նոյեմբերի 7-ին լրագրողներին նման տեսակետ է հայտնել Հայաստանի ստանդարտների ազգային ինստիտուտի առաջատար փորձագետ Կարո Հակոբյանը՝ ելույթ ունենալով Հայաստանում գինու ազգային տոնի առթիվ: «Խորհրդային տարիներին Հայաստանը՝ որպես գինեգործական տարածաշրջան, եղել է թնդեցված գինու՝ մադեյրայի եւ խերեսի կենտրոններից մեկը: Մեր խերեսը որակային առումով «բնիկ» իսպանականի հետ նույն շարքում է դասվել: Ցավոք, դրանից հետո թնդեցված եւ աղանդերային գինիների ավանդույթը չի պահպանվել: Մեր հռչակավոր «Ոսկեհատը», որն ունի 30%-ից ավելի քաղցրություն, այժմ գտնվում է մեր գինեգործության տեսականու շրջագծում», – նշել է նա:
Նշենք, որ ներկայումս Հայաստանում արտադրվում են հիմնականում կիսաչոր եւ չոր գինիներ:
