նախընտրելի դարձնել
ԱՄՆ-ի պաշտպանության նախարարությունը հայտնել է, որ ամերիկյան արեւելյան ափից 275 մղոն հեռավորության վրա նկատել է ռուսական սուզանավ: «Բարակուդա-2» դասակարգի սուզանավը հայտնաբերվել է դեռեւս անցյալ ամիս, սակայն այդ մասին հայտնի է դարձել միայն այժմ:
Ընդ որում, Պենտագոնի աղբյուրները նշում են, որ ռուսական սուզանավը չի հասցրել մտնել ԱՄՆ-ի ջրային տարածք: Սուզանավի հայտնաբերումից հետո ամերիկյան ռազմանավերը սկսել են հետեւել սուզանավին, որն էլ իբր փոխել է ուղղությունը եւ հեռացել է Եվրոպայի ուղղությամբ, հաղորդում է NTV-ն:
Թե ինչ նպատակով է ռուսական նավը ամերիկյան ափերին այդքան մոտ նավարկել, Պետնագոնում ճշգրիտ չգիտեն:
Ամերիկյան պաշտպանական գերատեսչության ներկայացուցիչները ենթադրում են, որ սուզանավը իրականացրել է սուզանավերի պայքարում պայմանական թշնամու դեմ ուղղված հրահանգներ:
