նախընտրելի դարձնել
«Յակուտիա» ավիաընկերությունը նոյեմբերի 8-ից կսկսի Իրկուտսկ-Երեւան կանոնավոր չվերթներ իրականացնել: Այս մասին լրագրողներին հայտնել է «Յակուտիա» ընկերության ներկայացուցչության տնօրեն Սերգեյ Ֆեյզուլինը:
Նրա խոսքով, չվերթները կիրականացվեն հինգշաբթի օրերին Boeing 737-800 օդանավով: Թռիչքը կտեւի 6 ժամ 40 րոպե: Էկոնոմ-կարգի մեկ ուղղության տոմսը կարժենա 10,5 հազար ռուբլի:
Ներկայացուցչության տնօրենը հայտնել է, որ Իրկուտսկից Երեւան առաջին չվերթի (նոյեմբերի 8) համար վաճառվել է 105, հետդարձի` 20 տոմս: «Յակուտիան» նպատակ ունի մինչեւ 2013 թվականն ավելացնել չվերթների թիվը: «Որպեսզի չվերթը ոչ շահութաբեր չլինի, անհրաժեշտ է, որ ամեն ուղղությամբ սրահում 130 ուղեւոր լինի»,-նշել է նա, փոխանցում է «ՌԻԱ Նովոստին»:
Ներկայումս ավիաընկերություններից ոչ մեկն Իրկուտսկից Երեւան ուղիղ չվերթներ չի իրականացնում:
