նախընտրելի դարձնել
Թբիլիսիում գործող Կովկասի ժողովուրդների կոնֆեդերացիայի նախագահ Զաալ Քասրելիշվիլին հայտարարել է, որ հույսիսկովկասցիները Թբիլիսիում հսկողության տակ առնված Վրաստանի ՆԳ նախկին նախարար Բաչո Ախալայայի մահվան դատավճիռն են կայացրել՝ Լոպոտի կիրճի գործողությունների համար:
Այդ մասին նա պատմել է «Ալիա» թերթին, որին մեջբերում է ռուսական «ՎԶԳԼՅԱԴ» թերթի Թբիլիսիի թղթակիցը: Այլ աղբյուրներ այդ մասին չեն նշում:
«Ալիա» թերթի համաձայն, Զաալ Քասրելիշվիլիի խոսքով, իսլամիստական ընդհատակյա կազմակերպությունները Ախալայայի նկատմամբ որս են հայտարարել: Նրան փնտրում են ինչպես Լոպոտի կիրճի գործողությունների հետեւանքով զոհվածների հարազատները, այնպես էլ Վրաստանի քաղաքացիների խմբեր: «Բանտում Ախալայան ավելի պաշտպանված կլինի, քան ազատության մեջ», - ասել է Քասրելիշվիլին: Ըստ նրա՝ «հույսիսկովկասցիները սպասում են, թե ինչպիսին կլինի Ախալայայի դատավճիռը, «արդյոք հատուկ գործողությունների համար էլ կդատվի»:
Հիշեցնենք, օգոստոսի վերջին Լոպոտ գետի կիրճում գրոհայինների դեմ հատուկ գործողություն էր անցկացվել, ՆԳՆ-ն հաղորդել էր 11 գրոհայինների եւ երեք ուժայինների մահվան մասին: Երկու կողմերից էլ մի քանի մարդ էր վիրավորվել:
Հիշեցնենք նաեւ, որ նոյեմբերի 7-ին Վրաստանում հսկողության տակ են վերցվելՆԳ եւ պաշտպանության նախարար Բաչո Ախալայան, միավորված շտաբի պետ Գեորգի Կալանդաձեն, բրիգադի հրամանատար Զազա Շամատավան:
