նախընտրելի դարձնել
Հունաստանում Հայաստանի դեսպանության շենքում, նոյեմբերի 6-ին, տեղի է ունեցել սփյուռքահայ նկարիչ Պետրոս Ասլանյանի նկարների ցուցահանդեսի բացումը:
Հանդիսությանը ներկա էին Հունաստանի օրենսդիր եւ գործադիր իշխանությունների, միջազգային ու հասարակական կազմակերպությունների, մշակույթի եւ արվեստի ներկայացուցիչներ, գործարարներ, ինչպես նաեւ հունահայ համայնքի ներկայացուցիչներ:
Ողջույնի խոսքով հանդես են եկել Հունաստանում ՀՀ դեսպանության արտակարգ դեսպանորդ եւ լիազոր նախարար Մինաս Մարտիկյանը եւ արվեստաբան, թարգմանիչ Հակոբ Ջելալյանը:
Ցուցահանդեսը, որտեղ ներկայացված են նկարչի 40 աշխատանք, տեւելու է մինչեւ նոյեմբերի 18-ը: Այդ ընթացքում ինչպես արվեստի գիտակները, այնպես էլ հույն եւ հունահայ հասարակայնության լայն շրջանակներ հնարավորություն կունենան ծանոթանալ Պետրոս Ասլանյանի ստեղծագործություններին:
