Իրաքի իշխանությունների կողմից Ռուսաստանից 4,2 մլրդ դոլարի սպառազինությունների ձեռք բերման պայմանագրից հրաժարումը ԱՄՆ-ի ճնշման արդյունք է: Այդ մասին «ՌԻԱ Նովոստի»-ին ասել է Ռուսաստանի ռազմական արդյունաբերության համալիրի բարձրաստիճան ներկայացուցիչը:

«Դրանում խառն է  ԱՄՆ-ի մատը, որը փորձում է  թույլ չտալ ռուս-իրաքյան պայմանավորվածությունների իրագործումը»,-ասել է նա:

Իրաքի վարչապետը հոկտեմբերին Մոսկվա էր մեկնել, որի ընթացքում կողմերի միեջեւ ռազմատեխնիկական ոլորտում փաթեթային  համաձայնագիր էր ստորագրվել 4,2 մլրդ դոլար արժողությամբ: Ավելի ուշ տեղեկատվություն էր ի հայտ եկել այն մասին, որ խորհրդարանի պատգամավորները մատադիր են ստուգումներ նախաձեռնել խոշոր ռազմական պայմանագրերի, այդ թվում` Ռուսաստանի հետ համաձայնագրի վերաբերյալ:

Նոյեմբերի 10-ին լրատվամիջոցները, վկայակոչելով Իրաքի կառավարության ներկայացուցիչ Ալի Մուսավիին, հաղորդել էին, որ կոռուպցիոն ռիսկերի պատճառով չեղյալ է համարվում Ռուսաստանի հետ պայմանագիրը: