նախընտրելի դարձնել
Կարմիր մահիկի սիրիական մասնաճյուղն սկսել է բաշխել Հայաստանից Հալեպ հասցված մարդասիրական օգնությունը, տեղեկացնում է սիրիական ՍԱՆԱ գործակալությունը:
Կառավարող կուսակցության Հալեպի նահանգային կոմիտեի քարտուղար Հիլյալ Հիլյալը հայտարարել է, որ սիրացիները երախտապարտ են հայ ժողովրդին` բարեկամական օգնության համար եւ ընդգծել, որ երկու երկրների ժողովուրդներին մավորում են պատմականորեն ձեւավորված ամուր հարաբերությունները:
Կարմիր մահիկի սիրիական կազմակերպության նախագահ Հաիլ Ասին իր հերթին նշել է մարդասիրական օգնության տեղին լինելու հանգամանքը` տեղեկացնելով, որ բաշխումը կատարվում է Սիրիայում Հայաստանի դեսպանատան եւ Սիրիայում հայոց թեմի ներկայացուցիչների աջակցությամբ: Նշենք, որ Երեւանից Հալեպ է ուղեւորվել մարդասիրական բեռով երեք օդանավ:
