Իրանում  նոյեմբերի 12-ին մեկնարկել են ՀՕՊ  զանգվածային զորավարժությունները: Զորավարժություններին կկիրառվեն ռադիոտեղորոշիչ սարքերի  տարբեր տեսակներ, շարժական եւ հեռահար ազդեցությամբ  ռադիոտեղորոշիչ կայաններ, ռադիոէլեկտրոնային  հետախուզման տարբեր համակարգեր: Նախատեսվում է, որ զորավարժությունները կընդգրկեն Իրանի հյուսիս-արեւելքի, արեւելքի եւ հարավ-արեւելքի 850 հազար քկմ տարածք, որը կազմում է երկրի մակերեսի կեսը:

Զորավարժությունները կտեւեն 7 օր: Դրանցում կգործարկվեն նաեւ ռեակտիվ ռմբարկուներ, անօդաչու թռչող սարքեր, հակաօդային պաշտպանության համակարգեր եւ 8 հազար զինծառայողներ, այդ թվում նաեւ Իսլամական հեղափոխության  պահապանների կորպուսի ծառայողներ, հայտնում է «Ռուսաստանի ձայնը»:

Զորավարժությունների ընթացքում կփորձարկվեն ժամանակակից մարտավարության տարրեր` նկատի ունենալով աշխարհի որոշ հատվածներում առկա վտանգները: