նախընտրելի դարձնել
Ջրհեղեղների տարեշրջանին Վենետիկ այցելած զբոսաշրջիկները որոշել են չվհատվել եւ քաղաքը դիտել լողալով՝ չնայած իշխանությունների զգուշացումներին եւ հեղեղված շրջանները լքելու խորհրդին:
Նրանք լողազգեստներ հագած լողորդություն են կազմակերպել հենց Սուրբ Մարկոսի տաճարի դիմաց՝ Վենետիկի Սան Մարկո հրապարակում, գրում է LifeNews-ը:
Անսովոր զգացողությունների սիրահարները լուսանկարվել են համաշխարհային տեսարժան վայրերի ֆոնին` նստելով տեղի ջրասույզ եղած սրճարանների սեղանների շուրջ:
Նշենք, որ տարերային աղետը վրա էր հասել Իտալիայի միանգամից մի քանի շրջաններում: Միայն Տոսկանայում 200 մարդ տարհանվել է չդադարող անձրեւների պատճառով: Անբարենպաստ ցիկլոնը մոտենում է նաեւ երկրի կենտրոնական հատվածին: Տվյալ պահին իտալական իշխանությունները պատրաստվում են երկրի մայրաքաղաք Հռոմում տարերքի հարվածին:
