նախընտրելի դարձնելԷնդի Ուորհոլի «Ազատության արձանը» եռաչափ կոմպոզիցիան Նյու Յորքի Christie`s աճուրդի տանը վաճառվել է 43,8 մլն դոլարով. Գնահատված արժեքը 35 մլն էր:
Դա «փոփ-արթի» արքայի՝ 1962թ. եռաչափ ֆորմատով իրականացրած շարքի վերջին աշխատանքն էր, որ գտնվում էր մասնավոր ձեռքերում: Մյուս երկուսը թանգարանում են, այդ թվում՝ նրա հայրենի Փիթսբուրգի Էնդի Ուորհոլի թանգարանում:
Նկարչի ստեղծագործության գնային ռեկորդը նրա «Կանաչ մեքենայի վթարը» նկարն է՝ վաճառված 72,7 մլն դոլարով:
23,7 մլն դոլարով վաճառվել է Ուորհոլի «Մարլոն» գործը, որն ստեղծվել էր 1966թ. ֆրանսիացի դերասան Մարլոն Բրանդոյի կերպարի հիմքով, գրում է NEWSru.com-ը:
Christie`s-ի մեկ այլ թանկարժեք լոտ էր ամերիկացի էքսպրեսիոնիստ Ֆրանց Քլայնի «Անանուն» կտավը, որը վաճառվել է 40,4 մլն դոլարով՝ գնահատված 20-30 մլն դոլարի փոխարեն:
Ամերիկացի հայտնի նկարիչ Ջեֆ Կունսի «Վարդակակաչներ» կտավը վաճառվել է 33,7 մլն դոլարով: Այն ստեղծվել է 1994-2005թթ. ընթացքում:
