նախընտրելի դարձնելՋերմաստիճանի նվազումը եւ ուստարվա սկիզբը նպաստում են գրիպի հարուցիչ վարակների ակտիվացմանը: Այդ մասին այսօր՝ նոյեմբերի 15-ին կայացած մամուլի ասուլիսում հայտնել է ՀՀ առողջապահության նախարարության հիգիենիկ եւ հակահամաճարակային կենտրոնի գլխավոր մասնագետ Լիանա Թորոսյանը:
Ըստ նրա՝ Հայաստանում գրիպի տարեշրջանն ակտիվանում է հոկտեմբերի կեսին եւ ավարտվում ապրիլի վերջ-մայիսի սկզբին: Գրիպի համար բարենպաստ պայմաններ են ստեղծում փակ տարածությունները, որոնք կիրառվում են ջերմաստիճանի նվազման պատճառով, ուսումնական տարվա սկիզբը, երբ մարդկանց շփումը դառնում է ավելի հաճախակի:
«Գրիպը վտանգավոր է բոլոր երկրների եւ տարածաշրջանների համար, Հայաստանում գրիպի մահացու դեպքեր չեն գրանցվել: Մեզ մոտ այնպիսի լաբորատոր պայմաններ են ստեղծվել, որոնց օգնությամբ մենք կարող ենք ախտորոշել գրիպի 7 տարատեսակ», - ընդգծել է Թորոսյանը:
