Մոսվայում Պաշտպանության նախարարության գործով նոր ձերբակալություններ են եղել:  «Սլավյանկա» ընկերության  50-ամյա գլխավոր տնօրեն Ալեքսանդր Յոլկինը եւ «Անվտանգութուն եւ կապ» ընկերության ղեկավար Յուլյա Ռոտանովան, ովքեր, ըստ հետաքննության, պետությունից  53 մլն ռուբլի են յուրացրել, ձերբակալվել են երկու ամսով:

Հետաքննության կարծիքով` ազատության մեջ գտնվելով` Յոլկինը կարող էր հեռանալ արտերկիր` օգտագոծել ազդեցիկ ծանոթությունները, մասնավորապես նա վստահելի հարաբերությունների մեջ է պաշտպանության նախկին նախարար Սերդյուկովի հետ, հաղորդում է  LifeNews-ը:

«Կոմերսանտը» տեղեկացնում է, որ «Սլավյանկայի» գրասենյակներում խուզարկությունների ժամանակ  մեծ քանակով կանխկիկ գումար է առգրավվել:  Մոսկովյան բանկերից միայն մեկում, որտեղ Ռոտովան Յոլկինի լիազորությամբ նրա գումարն է պահ տվել, հետաքննության ժամանակ բանկային երկու արկղերում հայտնբարվել է 4,6 եւ 125 մլն ռուբլի  եւ չորս շվեյցարական ոսկե «Բրեգետ» ժամացույց:

Թերթը նշում է, որ «Սլավյանկայի» տնօրենը պատրաստվում էր մեծ շուքով նշել ծննդյան օրը եւ հյուրերին  պետք է զվարճացնեին ռուսաստացի եւ արտասահմանցի աստղեր, այդ թվում` Ջենիֆեր Լոպեսը: Հյուրերի թվում է եղել նաեւ նախկին նախարար Անատոլի Սերդյուկովը: