Գերմանիայի հարավ-արեւմուտքում ավտովթարից զոհվել է վեց մարդ, հինգը տարբեր աստիճանի  ծանրության վնասվածքներ են  ստացել:

Միջադեպը տեղի է ունեցել Ֆրանսիայի սահմանից ոչ հեռու: Մեքենան բախվել է միկրոավտոբուսին եւ եւս երկու մեքենաների: 

«Ռոսիյսկայա գազետայի» տեղեկացմամբ` ոստիկանությունում վստահ են, որ վթարի պատճառ է դարձել թանձր մառախուղը, ճանապարհին տեսանելիությունը գրեթե զրոյական է եղել:   Այս պահին մայրուղում երթեւեկությունը վերականգնված է: