Հայաստանի վարչապետ Տիգրան Սարգսյանը Ֆլորա Մարտիրոսյանի մահվան կապակցությամբ ցավակցել է ընտանիքի անդամներին, հարազատներին, ընկերներին եւ նրա արվեստի բազմահազար երկրպագուներին։

«Խոր վշտով տեղեկացա անվանի հայ երգչուհի, Հայաստանի ժողովրդական արտիստ Ֆլորա Մարտիրոսյանի մահվան մասին:

Նա մեր ժամանակների բացառիկ երգչուհիներից էր, ով իր անզուգական ձայնով գերել է բազմաթիվ սրտեր ու հոգիներ: Մեծ ու անգնահատելի է Ֆլորա Մարտիրոսյանի ավանդը հայ երգարվեստում: Նրա թողած ժառանգությամբ դեռ կշարունակեն հիանալ բազմաթիվ սերունդներ:

Հայաստանի Հանրապետության կառավարության եւ անձամբ իմ անունից ցավակցում եմ Ֆլորա Մարտիրոսյանի ընտանիքի անդամներին, հարազատներին, ընկերներին եւ նրա արվեստի բազմահազար երկրպագուներին»:

Ավելի վաղ NEWS.am-ը տեղեկացրել է, որ նոյեմբերի 20-ին՝ ԱՄՆ-ում,  մահացել է Հայաստանի ժողովրդական արտիստուհի, հայտնի երգչուհի Ֆլորա Մարտիրոսյանը։ Հայտնի երգչուհին 55 տարեկան էր։