նախընտրելի դարձնել
Ռուսաստանի Օկայի արգելոցից «Հույսի թռիչք» ծրագրի շրջանակում բաց թողած կռունկներից մեկը Ղազախստանի հյուսիսից ուղարկվել է Ռուսաստան:
Թռչունն այնտեղ ժամանակավորապես գտնվում էր տեղի անտառտնտեսության տարածքային տեսչության տեսուչի մոտ:
Կռունկը հայտնաբերվել էր Ակմոլինի շրջանի Դերժավինսկ քաղաքի բակերից մեկում, գրում է aif.ru-ն:
Ավելի վաղ հաղորդվել էր, որ Վլադիմիր Պուտինի հետ թռիչքի շնորհիվ հայտնի դարձած երիտասարդ կռունկները չէին կարողացել լքել Տյումենի դաշնային Բելոզյորսկի արգելոցը:
Առաջին ձյունից հետո մոխրագույն կռունկները չվել էին տաք երկրներ, իսկ Օկայի արգելոցի կռունկներն, ամենայն հավանականությամբ, չէին հարմարվել եւ չէին հետեւել նրանց: Կռունկներին ինքնաթիռով ուղարկել էին հայրենի արգելոց:
ՌԴ նախագահ Վլադիմիր Պուտինը սեպտեմբերի 5-ին մասնակցել էր կռունկների հազվագյուտ տեսակի փրկության «Հույսի թռիչք» ծրագրին: Պետության ղեկավարը դելտապլանով սավառնել էր կռունկների հետ:
