Խորհրդարանական ընտրությունների ժամանակ սխալ չէր «Ազատ դեմոկրատների» մասնակցությունը «Ժառանգության» միասնական ցուցակին: Այս մասին այսօր՝ նոյեմբերի 21-ին, լրագրողների հետ հանդիպմանն ասաց «Ժառանգություն» կուսակցության ղեկավար Րաֆֆի Հովհաննիսյանը:

««Ազատ դեմոկրատների» մասնակցության որոշումը սխալ չէր, լայն ցանցով մտան, շատ լավ երիտասարդներ կային, ուզում էինք նոր քաղաքացիական այլընտրանք: Սխալ չէր, սխալ էր մի մարդու վարքը: Կարեւոր էր փորձը, թեեւ չհաջողվեց երկարատեւ համագործակցության, բայց տվեց այն, որ պետք է փորձել, քաղաքացին պետք է գտնի լուծումները ներսից: Այս անգամ չստացվեց, հաջորդ անգամ՝ կլնի»,- ասաց նա:

Ինչ վերաբերում է միջազգային պատվիրակություններից եւ հանձնաժողովներից  «Ազատ դեմոկրատների» պատգամավորների հետկանչին եւ Ալեքսանդր Արզումանյանի դիմադրությանը,  նա նշեց, որ այդ հարցը կորոշի «Ժառանգություն» խմբակցությունբը: «Արզումանյանը շատ լավ պատգամավոր է, այս հարցը գտնվում է  բարոյական դաշտում»,- ասաց Րաֆֆի Հովհաննիսյանը:

«Ժառանգության» առաջնորդը  հերքեց լրատցամիջոցներում տարածված տեղեկությունները, թե «Ժառանգությունում» պառակտում կա՝ նշելով, որ որեւէ պառակտում չկա, տարբեր անհատներ են, որոնք կարող են ունենալ տարբեր կարծիքներ:

Լուսանկարը` Սոնա Բարսեղյանի/NEWS.am