նախընտրելի դարձնելՍահմանադրությունում նշված է, որ խորհրդարանական փոքրամասնությունը, 44 պատգամավորի ստորագրություն հավաքելով, արտահերթ նիստ գումարելու իրավունք ունի: Այդ մասին այսօր՝ նոյեմբերի 21-ին, լրագրողների հետ զրույցում հայտնել է խորհրդարանի ՀԱԿ խմբակցության քարտուղար Արամ Մանուկյանը՝ նշելով, որ այսօր իրենք խմբակցության նիստում քննարկել են այդ հարցը:
«Սա Սահմանադրության դրույթներից է, սակայն վիճելի հարց է առկա, որը պետք է քննարկենք: Եթե պարզվի, որ հակասահմանադրական գործողություններ կան, ապա կդիմենք Սահմանադրական դատարան: Բայց այս պահին մենք որոշում եւ իրավաբանական եզրակացություն չունենք», - նշել է Մանուկյանը:
Բացի այդ, Մանուկյանի խոսքով, խորհրդարանական ՀՅԴ խմբակցությունը մտադիր է արտահերթ նիստի տապալման հարցով դիմել Էթիկայի հանձնաժողով:
Նշենք, այսօր ՀԱԿ-ի նախաձեռնած ԱԺ արտահերթ նիստը չկայացավ: Կանոնադրությամբ սահմանված երեք ժամվա ընթացքում բավարար թվով պատգամավորներ չէին գրանցվել:
