նախընտրելի դարձնելՏուլայում զենք արտահանող ձեռնարկության բարձրաստիճան աշխատակից է սպանվել։ Տղամարդու հրազենային վնասվածքով մարմինը հայտնաբերվել է նոյեմբերի 21-ի երեկոյան Կրասնոարմեյսկայա պողոտայում գտնվող խանութի մոտ: Չի բացառվում, որ սպանությունը կարող էր պատվիրված լինել: Հստակ երեւում է վարձու մարդասպանի ձեռագիրը:
Սպանվածը Մարզական-որսորդական զենքի կենտրոնական կոնստրուկտորական հետազոտական բյուրոյի գլխավոր կոսնտրուկտորի տեղակալ Վյաչեսլավ Տրուխաչովն է: Բյուրոն զբաղվում է զենքերի արտահանմամբ, հայտնում է «Ինտերֆաքսը»:
Քննությունը սպանության մի շարք վարկածներ է դիտարկում։ Հիմնական վարկածներից է սպանվածի մասնագիտական գործունեությունը: Բացի այդ, վարկած կա, որ սպանությունը կարող էր վրեժի հետեւանք լինել:
Մարդասպանն, ամենայն հավանականությամբ, զոհին սպասել է վերջինիս աշխատավայրի մոտ եւ միայն մեկ կրակոց է արձակել` ձախ քունքին: Տղամարդն ստացած վնասվածքից տեղում մահացել է:
