նախընտրելի դարձնելՀյուսիսային Կորեայի ռազմական հրամանատարությունը սպառնում է Դեղին ծովում գտնվող հարավկորեական Յոնպհենդո կղզու նոր հրետակոծում կազմակերպել՝ այնտեղ 2010թ. նոյեմբերին ԿԺԴՀ-ի հրետանային հարձակման զոհերի հիշատակին նվիրված միջոցառումների հետ կապված:
ԿԺԴՀ-ի հաղորդագրությունում զոհերի հիշատակի միջոցառումներն անվանվել են «ծիծաղելի ֆարս», գրում է «Ռոսբալտը»: Երկրի բանակի ներկայացուցիչն էլ հայտարարել է, որ Հյուսիսային Կորեան միայն ափսոսում է, որ 2010-ին կղզին «ամբողջությամբ ծովի հատակ չուղարկվեց», եւ հավելել, որ հյուսիսկորեացի զինվորները դա անելու հնարավորությունը բաց չեն թողնի, եթե հարավկորեացիները նոր սադրանք պատրաստեն: Կղզում 1,2 հազար մարդ է բնակվում:
2010թ. նոյեմբերին Դեղին ծովում՝ Յոնպհենդո կղզուց ոչ հեռու, որտեղով անցնում է Հյուսիսային եւ Հարավային Կորեաների բաժանարար վիճելի գիծը, հարավկորեական զորքերի զորավարժանքները քիչ էր մնացել երկու երկրների միջեւ ռազմական հակամարտության հանգեցնեին:
Սեուլի տեղեկացմամբ, այն ժամանակ կղզին հյուսիսից հրետանային հարձակման էր ենթարկվել, հարավցիները պատասխան կրակ էին բացել: Հարավկորեացի երկու զինվորական զոհվել, 17-ը վիրավորվել էին:
