նախընտրելի դարձնել
Microsoft-ը պատմել է ակնոցների ստեղծման ծրագրի մասին, որը շրջակա աշխարհի համայնապատկերի վերաբերյալ իրական ժամանակի ռեժիմով թարմացվող տեղեկատվություն կհաղորդի: Համապատասխան հայցը ներկայացվել է ԱՄՆ-ի պատենտների եւ ապրանքանիշների գրանցման (US Patent and Trademark Office) գերատեսչությանը:
«Օգտվողը հագնում է կիսաթափանցիկ դիսփլեյ, որը թույլ է տալիս միաժամանակ տեսնել շրջապատող իրականությունը եւ լրացուցիչ տեղեկատվություն ստանալ դրա մասին», - ասված է հայցում:
Օգտվողի տեսադաշտում գտնվող մարդկանց եւ առարկաների մասին տեղեկությունները կարտացոլվեն թվային ակնոցների լինզաներից մեկում կամ երկուսում միաժամանակ,- գրում է gazeta.ru-ն:
Օրինակ, եթե մարդը ֆուտբոլային հանդիպում է դիտում, ակնոցը կարող է ֆուտբոլիստներից յուրաքանչուրի մասին տեղեկություններ հաղորդել:
Ակնոցում կտեղակայվի նաեւ բարձրախոս եւ ճակատային տեսախցիկ՝ տեղի ունեցածի լուսա- եւ տեսանկարահանման համար:
Սարքի համար նաեւ նախատեսվում են ձայնասյուներ, չեզոք սենսորներ եւ ջերմաստիճանի ցուցիչներ:
