նախընտրելի դարձնել
Ինդոնեզիայի մայրաքաղաք Ջակարտայում տեղատարափ անձրեւների հետեւանքով առաջացած ջրհեղեղն իշխանություններին ստիպել է գրեթե հազար մարդու տարհանել:
Տարերային աղետների հետեւանքների վերացման քաղաքային վարչության ղեկավար Արֆան Ակիլին հայտնել է, որ որոշ թաղամասերում ջրի մակարդակը 2,5 մետրի է հասել: Այս պահին այն 10-50 սմ իջել է:
Անցնող գիշեր Ջակարտայից 953 մարդ է տարհանվել, գրում է Jakarta Globe թերթը, որին վկայակոչում է «Ռոսբալտը»:
Ինդոնեզական լրատվամիջոցների հաղորդմամբ, Ջակարտայում ջրհեղեղների հետեւանքով երեք մարդ է զոհվել: Միաժամանակ, Ինդոնեզիայի օդերեւութաբանության, կլիմայագիտության եւ երկրաֆիզիկայի ազգային վարչությունը զգուշացնում է, որ ջրհեղեղի գագաթնակետը դեռ առջեւում է: Ըստ օդերեւութաբանների՝ ամենաշատ տեղումները կգրանցվեն դեկտեմբերին:
