Հայ նեգաղթյալին, ով դատապարտվել է հինգ տարվա ազատազրկման, արտաքսում է  սպառնում, գրում է  ամերիկյան «Sun Sentinel»-ը:

Դեյվիդ Վայները մի քանի կերպարներ է ունեցել, այդ թվում` զբաղվել է  առանց լիցենզիայի իրավաբանական գործունեությամբ, ներկայացել է որպես ռաբբի, ունեցել է ալբանացի դիվանագետի անձնագիր: 37-ամյա Վայները կարող էր անգամ Հոլիվուդի հիվանդանոցից կրծքանշան  ստանալ որպես «բժշկության դոկտոր» կամ «հոգեւոր սպասավոր»:

«Ես նրան կնկարագրեի որպես վերջացած խաբեբա»,-ասել է դետեկտիվ Ջոն Կալաբրոն, որը հետապնդել է Վայներին: Նրան, ի դեպ, կործանել է կեղծ անդորրագիրը: Նա փորձել է անդորրագիր  խփել փակված բանակային հաշվի համար, երբ արդեն չլիցենզավորված իրավաբանական պրակտիկայի փորձաշրջանում էր: Այդ խախտումն էլ նրան հինգ տարվա ազատազրկում է արժեցել:

Վայները Հարավային Ֆլորիդայում հայտնվել է Կանադայի Նյուֆաունդլենդ քաղաքից  2001թ-ին, այն բանից հետո, երբ, կանադական իշախանությունների  տվյալներով, խաբեությամբ հարկային ծառայությանը զրկել է  324 հազ. դոլարից:

«Այդ երիտասարդը պրոֆեսիոնալ հանցագործ է, եւ կապ չունի, որ երկրում է գտնվում` Ռուսաստանում, Հայաստանում, Կանադայում, թե Միացյալ Նահանգներում: Հուսով եմ, որ սա կլինի վերջինը, որ ես դրա մասին կլսեմ, եթե իհարկե, նա դուրս չգա բանտից եւ կամ արտաքսվելուց հետո այլ անունով չվերադառնա»,-ասել է նա:

Նշենք, որ Վայները տարիներ շարունակ տարբեր անուններով է գործել, այդ թվում` Բագրատ Համբարձումյան, Պեկրատ Վայներ եւ Բագրատ Մոչկարովսկի:  Միաժամանակ  փաստաթղթերը ցույց են տալիս, որ նա ամուսնացած է  եղել իր առաջին եւ երկրորդ կանանց հետ միաժամանակ:  Վայները հայտարարել է, որ հեռացել է Հյաստանից, քանի որ «երկար հետապնդումների» զոհ է դարձել: Նա Նյուֆաունդլենդում հայտնվել է 1998թ-ին, որտեղ նրա քաղաքական ապաստան հայցելու փորձերը հաջողությամբ չեն պսակվել: