նախընտրելի դարձնելԵվրամիության անդամ երկրների առաջնորդներն առայժմ եվրոպական բյուջեի հարցում համաձայնության չեն եկել։ Նրանք 2014-2020 թթ. ֆինանսական բազմամյա ծրագրի մասին կարող են պայմանավորվել հաջորդ տարեսկզբին, Բրյուսելում ԵՄ անդամ պետությունների գագաթաժողովի ավարտին հայտնել է Եվրախորհրդի ղեկավար Հերման վան Ռոմպեյը:
Ռոմպեյն ասել է, որ բյուջեի քննարկումը կշարունակվի առաջիկա շաբաթներին, սակայն նա չի ակնկալում, որ այս տարի կհաջողվի համաձայնության հասնել: Միության անդամ պետությունների առջեւ ծառացած հիմնական խնդիրը հարուստ եւ աղքատ երկրների միջեւ փոխզիջում գտնելու դժվարությունն է:
Գագաթաժողովի ավարտին Մեծ Բրիտանիայի վարչապետ Դեւիդ Քեմերոնը բացասական է գնահատել ԵՄ-ի կառավարման մարմինների աշխատանքը, իսկ 2014-2020 թթ. երկարաժամկետ բյուջեի Միության առաջարկած տարբերակը որակել է «անընդունելի», հայտնում է rbc-ն:
Եվրահանձնաժողովը մեկ տարի առաջ 2014-2020 թթ. ֆինանսկան ծրագրի օրինագիծ էր ներկայացրել, որի հիման վրա նախատեսվում է կազմել ԵՄ-ի ամենամյա ընդհանուր բյուջեները: Յոթ տարվա ընթացքում բյուջեի ծախսերը առաջարկվում են 988 միլիարդ եվրո ծավալով, եկամուտները` մինչեւ 1,03 տրիլիոն եվրո:
