նախընտրելի դարձնելՏաջիկստանի իշխանություններն ամբողջությամբ արգելափակել են մուտքը Facebook` վկայակոչելով հասարակությունից ստացված բազմաթիվ դիմումները: Բոլոր ինը ինտերնետ մատուցող ընկերությունները համապատասխան ցուցում են ստացել կառավարության կապի ծառայության ղեկավար Բեկ Զուխուրովից:
«Հասարակայնության լավագույն ներկայացուցիչները հոգնել էին տարբեր կայքերում աղբից եւ զրպարտանքից, այդ անձանց թվում են ակադեմիկոսներ, գիտությունների դոկտորներ, մշակույթի գործիչներ»,- ԻՏԱՌ-ՏԱՍՍ-ին ասել է Զուխուրովը:
Ինտերնետ հանրությունը եւ անկախ փորձագետները նոր սահմանափակումները համարում են իշխանությունների հերթական գրոհն ազատ խոսքի նկատմամբ եւ քաղաքական գրաքննության ուղղված եւս մեկ քայլ:
