նախընտրելի դարձնելՇվեդական Ericsson ընկերությունը դատի է տվել Samsung-ին: Կորեական ընկերությունը, որը երկար ժամանակ է փորձում է Apple-ի հետ պատենտային վեճում իր իրավացությունն ապացուցել, այժմ պետք է պատենտային նոր մարտի դուրս գա:
Ericsson-ի իրավաբանները պնդում են, որ Samsung-ը ժամանակին չի թարմացրել մի շարք տեխնոլոգիաներ կիրառելու հավաստագիրը: Այժմ կորեացիներին կարող են տուգանել կամ էլ զրկել Ericsson-ի չանվանված արտադրանքից, նշում է «Վեստին»: Samsung-ի ներկայացուցիչները հայտարարել են, որ գիտեն շվեդների բողոքների մասին եւ քննում են խնդիրը:
Տուգանքի չափը, որը Ericsson-ը կպահանջի խախտողներից, դեռեւս հայտնի չէ: 2011 թ. տրամադրած տեխնոլոգիաների կիրառումից Ericsson-ի եկամուտը կազմել է 938 միլիոն դոլար: Այսինքն, ընկերությունն ակտիվ վաստակում է իր մտավոր սեփականությամբ եւ պատրաստ չէ նորարարությունն անվճար կիսելու:
