Չորս նույնասեռական մեղադրում են Նյու Ջերսիի կազմակերպություններից մեկին  խարդախության մեջ` հայտարարելով, որ վերջինս ճիշտ կողմնորոշման վերադարձնելու խոստումներով «վերափոխման թերապիա» է վաճառում, գրում է  «The Times of Israel»-ը` վկայակոչելով «Associated Press»-ին:

Մանհեթենում հրավիրած ասուլիսի ժամանակ նրանք հայտարարել են, որ իրենք ստորացումների են ենթարկվել:  Բոլոր չորսը մասնակցել են Ջերսի Սիթիում «Հրեաներն առաջարկում են բուժման նոր այլընտրանք» (JONAH) կազմակերպության սեանսներին: Ոչ առեւտրային կազմակերպությունը գովազդվում է եվրոպական պարբերականներում եւ հայտարարում, որ կարող է տղամարդկանց ձերբազատել նույն  սեռի նկատմամբ հակումից:

Տղամարդիկ իրենց հայցում նշել են, թե կազմակերպության մեթոդները չեն աշխատում, եւ Նյու Ջերսիում գործող օրենսդրության համաձայն չպետք է առաջարկվեն: Նրանք հայտարարել են, որ հայցը ներկայացրել են  երեքշաբթի, սակայն  պաշտոնյաները չեն կարողացել  հաստատել դրա ստացումը:

Ըստ հայցվորների` JONAH-ում իրենց ասել են, որ «հոմոսեքսուալ կողմնորոշումը հոգեկան խանգարում է, եւ նույնասեռականները պետք է վերափոխվեն ու ճիշտ կողմնորոշում ձեռք բերեն` լիարժեք կյանքով ապրելու համար»: Եւ եթե «վերափոխման թերապիան» արդյունք չի տալիս, մեղավոր են հենց հաճախորդները: