նախընտրելի դարձնել
ՀՀ ֆինանսների նախարար Վաչե Գաբրիելյանը մոտ ապագայում կարող է հեռանալ պաշտոնից: Այդ մասին գրում է «168 ժամ» թերթը։
«Ընդ որում, նրան ոչ թե պատրաստվում են պաշտոնանկ անել, այլ, ըստ թերթի աղբյուրների, ինքն է ցանկանում թողնել ֆինանսների նախարարությունը: Չի բացառվում, որ նա կրկին վերադառնա իրեն հարազատ Կենտրոնական բանկ, որտեղ մինչեւ ֆինանսների նախարար նշանակվելը զբաղեցնում էր ԿԲ նախագահի տեղակալի պաշտոնը: Սակայն առավել հավանական է, որ կադրային փոփոխությունը հետաձգվի նախագահական ընտրություններից հետո: Թե ո՞վ կփոխարինի Գաբրիելյանին, դեռեւս որոշված չէ: Չի բացառվում, որ այդ պաշտոնը զբաղեցնի ներկայիս տեղակալներից որեւէ մեկը»,- գրում է «168 ժամը»։
