նախընտրելի դարձնելԱմերիկյան PowerBall վիճակախաղի պատմության մեջ ռեկորդային 579,9 միլիոն դոլարի ջեքփոթի մրցանակակիր է դարձել երկու մարդ:
Երջանիկների անունները չեն հաղորդվում: Հայտնի է միայն, որ տոմսերից մեկը գնվել է Միսուրի նահանգում, մյուսը՝ Արիզոնայում:
Ուշագրավ է, որ առաջին հինգ թվերը կարողացել են գուշակել միանգամից 66 մարդ: Նրանցից 58-ը կստանան մեկական միլիոն դոլար, իսկ ութը՝ երկուական միլիոն, հայտնել են կազմակերպիչները:
Իսկ հաղթողները կարող են 327 միլիոն դոլարն ստանալ միանգամից կամ էլ մաս-մաս՝ 29 տարվա ընթացքում: Հարկերի վճարումից հետո շահույթը կկրճատվի: Միանվագ վճարման դեպքում վերջնական գումարը կկազմի ընդամենը 251 միլիոն դոլար, հայտնում է NEWSru.com-ը:
Վիճակախաղի ավարտից մեկ ժամ առաջ տոմսերը վաճառվել են րոպեում 131 հազար հատ հարաբերակցությամբ: Արդյունքում նախօրեին խաղարկվող գումարը հասել էր 579,9 միլիոն դոլարի: PowerBall-ի համար դա ռեկորդային ցուցանիշ էր:
