նախընտրելի դարձնել
Ֆրանսիական Նանտեր քաղաքի դատարանն արդարացրել է երկու ֆրանսահայերին, որոնց թուրքական կազմակերպությունը մեղադրում էր իրենց սպառնալու մեջ:
«Nouvelles d`Arménie»-ին տեղեկացնում է, որ 2012թ. Ֆրանսիայի խորհրդարանում Հայոց ցեղասպանության ժխտումը քրեականացնող օրինագծի քվերակության ժամանակ թուրքական երեք խոշոր ֆեդերացիաներ համատեղ ոչ պաշտոնական մարմին էին ստեղծել`Ֆրանսիայի ֆրանս-թուրքական ասոցիացիաների համակարգող կոմիտե, որը բողոքի ակցիաներ էր կազմակերպում ընդդեմ օրինագծի ընդունման:
Դատական բողքը` հեռախոսային հետապնդումների եւ մահվան սպառնալիքների վերաբերյալ, ներկայացրել էր կոմիտեի միակ կին անդամ, փաստաբան Էմինե Չեթին Բոզկուրտը:
Ֆրանսիայի ոստիկանությունը սկզբում ձերբակալել, իսկ հետո բաց էր թողել հայզագի 40 եւ 45 տարեկան կասկածյալներին: Երեքշաբթի Նանտերի դատարանը արդարացրել է մեղադրյալներին, որոնց համար դատախազը երեք ամսվա ազատազրկում եւ 500 եվրոյի չափով տուգանք էր պահանջել:
Թուրք փաստաբանը պատրաստվում է բողոքարկել դատարանի որոշումը:
