Վրաստանի ՆԳՆ-ի գլխավոր տեսչության նախկին ղեկավար Թենգիզ Գունավան, որը նախկինում  մեղադրվել էր թմրանյութերի ու զենքի ապօրինի պահման մեջ եւ վեց հազար դոլար գրավի դիմաց ազատ  արձակվել,  երկրորդ անգամ ձերբակալվել է նոր մեղադրանքով: Այդ մասին լրագրողներին հայտնել է նրա փաստաբան Մալխազ Վելիջանաշվիլին: 

Առաջին անգամ Թենգիզ Գունավան ձերբակալվել էր նոյեմբերի 16-ին: Երկրորդ անգամ Գունավային մեղադրել էին երեք հազար լիտր բենզինի յուրացման մեջ եւ մեղադրանք էին առաջադրել «պաշտոնական լիազորությունների վերազանցում» եւ «յուրացում» հոդվածների հատկանիշներով:

Վրաստանի գլխավոր դատախազությունն արդեն  հայտարարություն է տարածել, որտեղ նշվում է, որ  ՆԳՆ-ի գլխավոր տեսչության նախկին ղեկավարի գործի քննությունն արդեն սկսվել է: Քննությունը նաեւ ճշտում է վառելիքի ճակատագիրը, որը պետք է կիրառվեր ծառայողական նպատակների համար, հայտնում է «Նովոստի Գռուզիան»: 

Ավելի վաղ դատախազության նոր ղեկավարությունը քրեական գործեր էր հարուցել ՊՆ եւ ՆԳՆ բարձրաստիճան նախկին պաշտոնյաների նկատմամբ։