նախընտրելի դարձնել
Վրաստանում խորհրդարանական ընտրություններում հաղթանակից հետո «Վրացական երազանք» դաշինքի առաջնորդը հայտարարեց Ռուսաստանի հետ հարաբերությունների կարգավորման մտադրության մասին, որին Մոսկվայից ոչ մի լուրջ քայլ չհետեւեց: Այդ մասին այսօր՝ նոյեմբերի 30-ի մամուլի ասուլիսում հայտարարել է վրացագետ Ալիկ Էրոյանցը:
Ըստ նրա, չնայած Վրաստանի նոր վարչապետ, «Վրացական երազանք» կոալիցիայի առաջնորդ Բիձինա Իվանիշվիլիի՝ ռուս-վարցական հարաբերությունները կարգավորելու անհրաժեշտության մասին հայտարարությանը, ռուսական կողմի արձագանքը հետեւյալն էր. Ռուսաստանի վարչապետ Դմիտրի Մեդվեդեւը հանդես եկավ հայտարարությամբ, որ Թբիլիսիի այդ մտադրությունը ողջունելի է, սակայն ռուս-վրացական հարաբերություններում ջերմացումը հնարավոր է միայն Աբխազիայի եւ Հարավային Օսիայի հարցերի վերաբերյալ վրացական դիրքորոշման փոփոխության դեպքում:
«Ամենայն հավանականությամբ, Վրաստանը կպահպանի Աբխազիայի եւ Հարավային Օսիայի վերաբերյալ իր դիրքորոշումը՝ այդ տարածքներում ռուսական զորքերի գտնվելուն դեմ հանդես գալով», - նշել է քաղաքագետը:
