Նախընտրելի
Իրանի կիբեր ոստիկանության ղեկավար, գնդապետ Սաեդ Շոկրիանը պաշտոնանկ է արվել ընդդիմադիր բլոգեր Սաթր Բեհեշթիի` բանտում մահվան կապակցությամբ:
Պաշտոնական տեղեկտավության համաձայն` Շոկրիանն աշխատանքից ազատվել է «անփութության եւ իր ենթակաների նկատմամբ ոչ բավարար վերահսկողության համար», տեղեկացնում է «France 24»-ը` վկայակոչելով իրանական ոստիկանությանը:
Բեհեշթիին մահացած էին գտել իր խցում նոյեմբերի 3-ին: Հաղորդվել էր, որ մահը վրա է հասել խոշտանգումների արդյունքում:
Կատարվածի հետ կապված ձերբակալվել էր 7 մարդ, որոնք կարող էին մասնակցություն ունենալ նրա մահվան մեջ:
