նախընտրելի դարձնելՃապոնիայում «Fujitsu» ընկերությունը տնային կենդանիների եւ հատկապես շների համար նախատեսված անսովոր սարք է ներկայացրել, որը կոչվում է «Wandant Dog Pedometer»: Այն յուրօրինակ սքաներ է, որն արձանագրում է կենդանու ցանկացած գործողություն եւ շարժում, տեղեկացնում է Ferra.ru-ն:
Սարքը հնարավոր է կախել շան վզնոցից եւ հետեւել ոչ միայն նրա գործողություններին, այլ ներքին վիճակին: Այդ տվյալները կուտակվում են եւ գրաֆիկի տեսքով փոխանցվում համակարգչին կամ սմարթֆոնին: Wandant-ում հնարավոր է բեռնել կենդանու լուսանկարները եւ անգամ գրանցել նրա ռեկորդներն ու ձեռքբերումները:
«Wandant Dog Pedometer»-ը հագեցած է երեք առանցքային աքսելերոմետրերով, մարտկոցի ժամկետը մոտ 4 ամիս է: Տվյալները կարող են պահպանվել մինչեւ 14 օր:
Օնլայն ծառայության օգտագործման համար առաջին տարին անվճար է, իսկ հետո ` մոտ 5 դոլար ամսական:
