Դեռեւս անհայտ է, թե երբ Կոնգոյում զոհված հայ օդաչուների մարմինները կտեղափոխվեն հայրենիք: Այս մասին NEWS.am-ի թղթակցի հետ զրույցում նշեց Հայաստանի քաղավիացիայի գլխավոր վարչության մամուլի քարտուղար Նելլի Չերչինյանը: Նրա խոսքով, ներկայումս հարցը գտնվում է ՔԱԳՎ-ի եւ զոհերի հարազատների միջեւ քննարկման փուլում:

Նոյեմբերի 30-ին, ժամը 19:00-ի սահմաններում Կոնգոյի Հանրապետության մայրաքաղաքի «Մայա-Մայա» օդանավակայանից 500 հեռու վթարի է ենթարկվել հայկական «Ռիջ Էյրվեյս» ավիաընկերությանը պատկանող «ԻԼ-76» օդանավը, որը բեռներ էր տեղափոխում տեղի «Աերոսերվիս» ընկերության համար: Վթարի հետեւանքով օդանավի անձնակազմի բոլոր 7 անդամները զոհվել են, որոնցից 5-ը Հայաստանի քաղաքացիներ են:

Նրանք են՝ Վարազդատ Բալասանյան – օդանավի հրամանատար, 63 տարեկան

Արա Թովմասյան,

Անդրանիկ Գեւորգյան,

Էդգար Ավետյան – օպերատոր, 23 տարեկան:

Աղետի պատճառները պարզելու համար Կոնգոյի իշխանությունները հետաքննություն են սկսել: Առկա տեղեկատվությամբ, «ԻԼ-76»-ը, վայէջքի ժամանակ կորցրել է կառավարումը եւ ընկել բնակելի թաղամասի վրա: Մահացել է առնվազն 30 մարդ: Նախնական տվյալներով, աղետի պատճառը կայծակն է, որը հարվածել է օդանավին: