Նախընտրելի
Հայաստանի սփյուռքի նախարար Հրանուշ Հակոբյանն, այսօր՝ դեկտեմբերի 3-ին, ընդունել է Հայաստանում ՄԱԿ-ի զարգացման գործակալության ժամանակավոր ներկայացուցիչ պարոն Պատրիս Կյող Բիզոյին:
Հանդիպման ընթացքում կողմերը գործակցության պատրաստակամություն են հայտնել:
ՀՀ սփյուռքի նախարար Հրանուշ Հակոբյանը ներկայացրել է նախարարության գործունեության հիմնական ուղղությունները՝ նշելով, որ ՄԱԿ-ի զարգացման գործակալության գործունեության որոշ դրույթներ համապատասխանում են ՀՀ սփյուռքի նախարարության ծրագրերին:
Կողմերը մտքեր են փոխանակել Սիրիայում ծավալվող իրադարձությունների եւ մասնավորապես Հայաստանում ապաստանած սիրահայերի խնդիրների վերաբերյալ: ՀՀ սփյուռքի նախարարը դեսպանին ներկայացրել է բոլոր ծրագրերն ու միջոցառումները, կառավարության որոշումները եւ օրենսդրական փոփոխությունները, որոնք ձեռնարկվել են մինչ օրս Հայաստանում սիրիահայերի կեցության պայամանները բարելավելու, որոշակի տուրքերից ու տույժերից ազատելու ուղղությամբ:
Հանդիպման մասնակիցները կարծիքներ են հայտնել հնարավոր համագործակցության վերաբերյալ, պայմանավորվածություն է ձեռք բերվել հստակեցնել նպատակներն ու անցնել գործնական քայլերի:
