նախընտրելի դարձնել
Թուրքական տնտեսական հրաշքի մասին խոսելը դեռ վաղ է. այդ երկրում մեկ շնչին ընկնող միջազգային ներդրումները դեռեւս ցածր է, քան եվրոպական երկրներում, թեեւ վերջին 10 տարում Թուրքիայում ներդրումների հոսքն աճել է 4 անգամ: Այս մասին ասվում է «Italian Business in Turkey» հետազոտության մեջ, որը հրապարակել է Իտալիայի Հարավային եւ միջերկրածովյան տնտեսական հետազոտությունների կենտրոնը, գրում է իտալական First Online պարբերականը:
Օտարերկյա ներդրումների բաշխումը Թուրքիայում կախված է երկրից: Գերմանիայի (Թուրքիայի ամենախոշոր տնտեսական գործընկերը) եւ Չինաստանի ներդրումները հիմնականում կենտրոնացած են մեքենաշինական եւ տրանսպորտային ոլորտներում:
Նույնը վերաբերում է նաեւ Իտալիային, որն իր ներդրումների ծավալով Թուրքիայի 4-րդ գործընկերն է: Թուրքիայում օտարերկրյա ներդրումների հոսքը վերջին 10 տարում 22 մլրդ եվրոյից հասել է 100,8 մլն եվրոյի:
Այդուհանդերձ, բնակչության մեկ շնչին ընկնող ներդրումների ցուցանիշով (1600 եվրո տարեկան) Թուրքիան կարող է համեմատվել Հունաստանի հետ (1700 եվրո տարեկան) եւ բավական հետ է արեւմտյան Եվրոպայի երկրներից (օրինակ Նիդերլանդներում այդ ցուցանիշը 64 հազար եվրո է):
Թեեւ Թուրքիայում ներդրումների հարաբերական տեմպը բավական բարձր է, սակայն, բացարձակ թվով վիճակը բոլորովին այլ է: Եթե ասենք Թուրքիայում 2011 թվականին ներդրումներն ավելացել են 500 մլրդ եվրոյով, ապա Իտալիայում՝ շուրջ 1500 եվրոյով:
Թուրքիայում գործում է 2,5 մլն ձեռնարկություն, այնինչ Իտալիայում այդ թիվը երկու անգամ ավելի է: Ձեռնարկություններում զբաղվածների թիվը եւս Թուրքիայում կրկնակի քիչ է Իտալիայի ձեռնարկություններումզբաղվածների թվից, ընդ որում, Թուրքիայում աշխատուժը բավական ժան է:
«Թուրքիայում գնաճը վերջին տարիներին շարունակում է բարձր մնալ, թեեւ պետական պարտքի մակարդակը հեռու է եվրագոտում առկա ցուցանիշներից: Թեեւ Թուրքիայում մեկ շնչին ընկնող ՀՆԱ-ն աճում է, բայց վճարային հաշվեկշիռը բարձր դեֆիցիտ ունի (2011 թվականին՝ 10,4 տոկոս):
