Մեքսիկայի արեւմուտքում զինվորականների եւ հանցագործների փոխհրաձգության ընթացքում սպանված  գեղեցկուհին ինքն է զինվորների ուղղությամբ կրակ բացել АК-47 ինքնաձիգից, որը հետո ընկած էր եղել նրա կողքին: Նման եզրահանգման է եկել Մեքիկայի գլխավոր դատախազությունը:

Հիշեցնենք, «Սինալո նահանգի միսս-2012» տիտղոսակիր Մարիա Սուսանա Ֆլորես Գամեսը սպանվել էր զինվորականների եւ հանցախմբի անդամների փոխհրաձգության ընթացքում: Լուրեր կային, որ 22-ամյա գեղեցկուհին  կարող էր հանցախմբի անդամ լինել:

Քիմիական անալիզը ցույց է տվել, որ աղջիկն իրոք կրակ է բացել զինվորների ուղղությամբ եւ սպանվել պատասխան կրակոցից:

Իշխանությունները կարծում են, որ հանցախմբի ղեկավար Օրսո Իվան Գաստելումը սերտ հարաբերություններ ուներ գեղեցկուհու հետ, գրում է «ՌԻԱ Նովոստին»:

Իշխանությունների տվյալով՝ Ֆլորես Գամեսը հանցագործների հետ մեքենայում է եղել եւ փոխհրաձգության թեժ պահին զենքը ձեռքին  իջել է մեքենայից՝ զինվորների ուշադրությունը շեղելու եւ մնացածներին փախուստի հնարավորություն  տալու համար: