Նախընտրելի
Հայաստանին Ռուսաստանի հուսալի գործընկեր է համարում ռուսաստանցիների 5%-ը միայն: Նման ցուցանիշով Հայաստանը զբաղեցրել է չորրորդ հորիզոնականը: Հայաստանի նախագահին վստահում է ռուսաստանցիների 3%-ը, մեր երկիրը կայուն եւ հաջողակ է համարում պատասխանողների 7%-ը, ժամանակակից՝ 5%-ից ոչ ավելին:
Ցուցակում առաջատարն են Մաքսային Միության երկրները: Բելառուսին ամենակայուն գործընկեր է համարում պատասխանողների 46%-ը, Ղազախստանին՝ 38%-ը: Առաջատարների եռյակը եզրափակում է Ուկրաինան, ում վստահում է ռուսաստանցիների 17%-ը: Ղրղըզստանն ու Ադրբեջանը չորսական տոկոս են ստացել, Ուզբեկստանը՝ 3, Մոլդովան, Թուրքմենիան եւ Տաջիկստանը՝ երկուական: Հետխորհրդային տարածքում ամենաանվստահելին Վրաստանն է՝ 1%:
Ռուսները գնահատել են նաեւ ԱՊՀ երկրների ղեկավարներին. ամենավստահելին Բելառուսի նախագահ Ալեքսանդր Լուկաշենկոն եւ Ղազախստանի նախագահ Նուրսուլթան Նազարբաեւն են (34% եւ 31%): Հաջորդում է Ուկրաինայի նախագահ Վիկտոր Յանուկովիչը (12%), Ադրբեջանի նախագահ Իլհամ Ալիեւը (5%), Հայաստանի նախագահ Սերժ Սարգսյանը եւ Ղրղըզստանի նախագահ Ալմազբեկ Ատամբաեւը (3-ական տոկոս), Ուզբեկստանի նախագահ Իսլամ Քարիմովը, Թուրքմենիայի նախագահ Գուրբանգուլի Բերդիմուհամեդովը եւ Տաջիկստանի նախագահ Էմոմալի Ռահմոնը (2-ական տոկոս): Ամենաքիչն ստացել են Մոլդովայի նախագահ Նիկոլաե Տիմոֆտին եւ Վրաստանի նախագահ Միլայիլ Սահակաշվիլին:
Բելառուսն ու Ղազախստանն առաջատար են նաեւ կայունության եւ հաջողակության վարկանիշում՝ ստանալով, համապատասխանաբար, 45% եւ 33%-ի ձայնը: Երրորդ տեղում Ուկրաինան է (19%): Հաջորդում են Հայաստանը (7%), Ադրբեջանը (6%), Վրաստանը (5%), Թուրքմենիան (4%), Ղրղըզստանը, Մոլդովան եւ Ուզբեկստանը (3-ական տոկոս), Տաջիկստանը (1%), գրում է Regions.Ru-ն:
Բելառուսն ու Ղազախստանը նաեւ առաջինն են արդիականացման առումով՝ 30% եւ 23: Ուկրաինան երրորդ տեղում է՝ 14%: ԱՊՀ մնացած երկրները 5%-ից ոչ բարձր ցուցանիշ են հավաքել:
Հարցումն անցկացվել է 2012-ի նոյեմբերի 24-25-ին: Մասնակցել է 1600 մարդ: Վիճակագրական սխալը չի գերազանցում 3,4%-ը:
