Նախընտրելի
ՄԱԿ-ի գլխավոր քարտուղար Բան Կի Մունը այցելել է Թուրքիա՝ առաջին կանգառն անելով Այնթափ քաղաքը։
Ինչպես տեղեկացնում է թուրքական Radikal-ը, ՄԱԿ-ի գլխավոր քարտուղար Բան Կի Մունի օդանավը վայրէջք է կատարել Այնփաթի օդանավակայանում։ Բարձրաստիճան հյուրին դիմավորել են Այնթափի նահանգապետը, ժանդարներիայի եւ ոստիկանության նահանգային պետերը։
ՄԱԿ-ի գլխավոր քարտուղարը օդանավակայանից մեկնել է Իսլահանիյեի շրջան՝ տեղում ծանոթանալու սիրիացի գաղթականների վիճակին։
Ավելի ուշ, Բան Կի Մունը մեկնելու է Անկարա՝ հանդիպումներ ունենալու Թուրքիայի նախագահ Աբդուլլահ Գյուլի եւ վարչապետ Ռեջեփ Թայիփ Էրդողանի հետ։
