ՆախընտրելիՆԱՏՕ-ում Սերբիայի դեսպան Բրանիսլավ Միլինկովիչին ինքնասպանության է դրդել ծանր հիվանդությունը։ Այդ մասին telegraf.rs հրատարակչությանը հայտնել է դիվանագետ Սանյա Միլինկովիչի այրին։
Ըստ նրա՝ բժիշկները Բրանիսլավին կանխատեսել էին երկար բուժում՝ առանց որոշակի արդյունքների։
Իսկ թե հատկապես ինչ հիվանդություն էին ախտորոշել Միլինկովիչին, դիվանագետի այրին չի հաղորդել։ Ըստ lenta.ru-ի՝ կինը հաղորդել է նաեւ, որ դիվանագետը պատրաստվում էր բուժումները սկսել Նոր տարվա նախօրեին, սակայն ավելի ուշ հրաժարվել էր այդ մտքից։
Հիշեցնենք, ՆԱՏՕ-ում Սերբիայի ներկայացուցիչ Բրանիսլավ Միլինկովիչը ինքնասպան է եղել դեկտեմբերի 5-ին՝ Բրյուսելի օդանավակայի բազմահարկ կայանատեղիից ցած նետվելով։ Դիվանագետը նետվել էր մոտ 8-10 մետր բարձրությունից եւ տեղում մահացել։
