Բայկանուրի տիեզերակայանից մեկնակել է  «Պրոտոն-Մ» հրթիռակիրը, որը պետք է ուղեծիր դուրս բերի «Յամալ -402» կապի արբանյակը:

Տիեզերական սարքի բլոկն արդեն առանձնացել է հրթիռակրից,  հաղորդում է  «НТВ»-ն: Ակնկալվում է , որ «Յամալ -402»-ը բլոկից կանջատվի մեկնարկից  9 ժամ 15 րոպե հետո:

Նշվում է, որ «Յամալ-402» արբանյակը պետք է համալրի ռուսական կապի արբանյակների խումբը եւ հեռարձակում  ապահովի  Ռուսաստանի, ինչպես նաեւ Արեւմուտքի եւ Կենտրոնական Եվրոպայի, Մերձավոր Արեւելքի եւ Հյուսիսային Աֆրիկայի տարածքում: