ՆախընտրելիՎենեսուելայի նախագահ Ուգո Չավեսն իր հերթական վիրահատության նախաշեմին նշել է իր հաջորդի անունը: Նրա կարծիքով` ոչ բարենպաստ հանգամանքների պարագայում երկրի ղեկը պետք է ստանձնի փոխնախագահ եւ արտգործնախարար Նիկոլաս Մադուրոն, փոխանցում է «ՌԻԱ Նովոստին»:
«Եթե նախագահական նոր ընտրությունների անհրաժեշտություն առաջանա, իմ հստակ, ամուր եւ լիալուսնի նման լիարժեք համոզմամբ, նրա օգտին պետք է քվեարակեք»,-նախարարների խորհրդի նիստի ժամանակ հայտարարել է Չավեսը:
Վենսուելայի նախագահի համար չարորակ ուռուցքի հեռացման նոր վիրահատությունը կլինի արդեն չորրորդը: 58-ամյա Ուգո Չավեսը երեք վիրահատություններից եւ քիմիաթերապիայի կուրսից հետո բազմիցս հայտարարել էր, թե միանգամայն առողջ է:
