Հարավաֆրիկյան Հանրապետության նախկին նախագահ Նելսոն Մանդելան գիշերն անցկացրել է մայրաքաղաք Պրետորիայի հիվանդանոցում: Ինչպես հաղորդում է BBC-ին,  94-ամյա Մանդելան հիվանդանոց է տեղափոխվել շաբաթ օրը` բուժզննման համար: 

Նախագահական գրասենյակը հայտնել է, որ Մանդելան իրեն լավ է զգում եւ «անհանգստանալու առիթ չկա»: «Պրն Մադելային  ժամանակ առ ժամանակ անհրաժեշտ է բժիշկների օգնությունը, դա նորմալ է նրա տարիքում»,-ասվում է  հայտարարության մեջ:

Առայժմ հայտնի չէ, թե Մանդելային երբ դուրս կգրեն հիվանդանոցից:

Մանեդլան քաղաքական կյանքից հեռացել էր 2004թ-ին եւ հազվանդեպ էր երեւում հանրությանը: Նա ՀԱՀ առաջին սեւամորթ նախագահն էր 1994-1999թթ: