Երուսաղեմի Սուրբ Հարության տաճարի քրիստոնեական թեմերը կարգավորել են ջրի պարտքի խնդիրը եւ եկեղեցու հաշիվներն արգելանքից հանելու մասին պայմանավորվածություն  ձեռք բերել:

Այդ մասին «ՌԻԱ Նովոստիին» հայտնել է Երուսաղեմի  հույն ուղղափառ պատրիարքության ներկայացուցիչը:  Ըստ նրա, ջրամատակարար  «Գիյոն» ընկերությունը կզրոյացնի  եկեղեցու ինը միլիոն շեկել (մոտ 2,4 մլն դոլար) պարտքը:

NEWS.am-ն ավելի վաղ հայտնել էր, որ Երուսաղեմի Թեոֆիլոս III պատրիարքը նամակներ էր ուղարկել տարբեր երկրների առաջնորդների, այդ թվում՝  Ռուսաստանի եւ ԱՄՆ-ի, որոնցում պատմում էր Սուրբ Հարության տաճարի ֆինանսական խնդիրների մասին:  Տաճարը փակման եզրին էր, քանի որ դրա հաշիվները արգելանքի տակ էին իսրայելական ջրամատակարար ընկերության հետ ֆինանսական վեճի պատճառով: